[سعد مسهوج]

مساء /صباح الشعر

.
.
.

(( راح العمر جاوبيني ))








[POEM="font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]نظرة ربت واستفحلت .. حد الاعجاب!=وبديت احس الشوق يصدر ونيني
وبديت احس الناس من حولي اجناب=لين إركضت من حر مابي سنيني
اذكر ولا اذكر غير تأنيب الاصحاب=كل ما سألت الناس يا ناس ويني؟
جالس كسير إمن( الالم) اطرق الباب=وباب (الامل) يطرق من الياس عيني
[ ازرع ]ولا [ احصد ] من ورا الحزن اتعاب=وعلى طريق (الحظ) تومي يديني
راحل على متن الفجيعة بلا اسباب=بلا امتعة . . والدرب حاير يميني!
في مقطعة خيمة بلا عمد واطناب=ما اشوف فيها غير لهفة ضنيني
ابوجه شاحب كان ما قلت مرتاب!=وبحشرجة (راح العمر جاوبيني)
احيان احس الشوق بالدم يغتاب=قلبي .. وقلبي غارق ن في حنيني
واحيان اشوف الهم وافكاري ارباب=تبدي ولاها كل . . ما هو يجيني
اعجاب كانت وانتهى دور الاعجاب=ما بين (صد) و (رد) بيني وبيني
واحباب صرنا وانتهت قصة احباب=كانت ضريبتها.. شقاي و سنيني![/POEM]


اخوكم:

سعد مسهوج