كثر ما وصل حد العنا قمت ما عاني
كثر ما وسع كون الحكي ما تفسحته
شعوري شعور التايه الضايع الداني
من الموت جسمه نايمن فوق مشرحته
بدل لا يفرح خاطري الفرح أذاني
حزن خاطري واليوم بالدمع فرحته
ع كف العمر مسباحن احمر و قرآني
و ترتيل دمعن بأحمر الدم سيحته
على آه ضيقي آه ونات وجداني
امسي ع ليلي و الضحى امس صبحته
طفل خافقي لما صرخ مين يرعاني
حملته و ربيته و بالروح سبحته
شقاتي بعد ما بان لي معدن اخواني
وكلن مع مر الدهر شاف مصلحته
جفوني مع الضيقات و البين خلاني
اعد له فوايد ذرف دمعي و مربحته
يخط الحزن روحي و الانكاد تقراني
وانا بالسكوت الميت الحزن وضحته
كثر ما يضيق الصدر يلتف ميزاني
انا كلته بصبر الحنايا و رجحته
يطير الحزين بعالم قاصي ن ثاني
يطير بفكر الاحزان و الروح أجنحته
رضا الهاشمي
الحزن
اجتماعي
حكم
الشعر النبطي