من أحلام الفقارى للــ تحيّه !
رسالة شاب , يستئنف قضيّه !
عمايمهم تطارد / ظفر رجلي !
سجايرهم / كئيبة , عنجهيــه !
شفاه صدورهم مثل اليتامى !
حيارى ! مايقيسون الـ بريّه !
ياويل إيديني ومعصم ردائي !
ياويل إسناني بقضم الأسيّه
أنا لله , ياصوت الـمآذن !
أنا لله , برفع لك يــديّه !
أنا لله , من أنّ الأرامــل !
أنين أصواتهم ! يـمّ العبيّــه !
تعبت ! وماقدرت أنطق سكوتي !
تعبت ! وماسكت نطقي شــويّه !
عجزت أرتاح ! والراحه لئيــمه !
لئيمة راحة العادي ! شقيّــه !
أنا عادي , من بلادي , عتادي !
أنا معتاد , هذا الشيّ فيـــّه
انا , وإلا أنا , أنت وخيالك !
من ظلالك إلى إضلالك / خطيّه
يمين الله , خانونا , ونهمسسس
يمين الله : كلمتنا بغيّه
هتكنا عرِض أفكار السنابل !
قتلنا نخلنــا ! لجل الأبيّه !
أنا آسف , أنا عاسف ومُهمل !
حديثي مقتبس ! يرجي هديّه
أبسكت ! هاتوا أقلام الشوارع !
ابسكت ! واتركوا طهر الصبيّه !
أبسكت لجل أنا شخص ٍ مواطن !
مواطن عادي! ويرفع / قضيّه !