السلام عليكم
طابت أوقاتكم وقلوبكم
خطفت البوح من (ثغر السكوت ) وضيقة النشاد
عصاني نومي وطال العتاب وطاحت أقلامي
(يطير الجفن) (ويثور النعاس )ب طلقة المرقاد
وأصير أول ضحيّه بين بعد الرمي والرامي ..
سنه مابل ريق( السمع) صوت (ولاهما الميعاد) ..
ولاروح اطلعت ب إحساسها وارتاحت أوهامي
على وجهي تباريح السهر تاخذ لها مقعاد
تربّع في حنايا ضحكتي وتجدد الآمي ../
غريب احساس لو لي من بلادي وين رحت بلاد
وأشوف بلادي أكبر من غلاي وطيب هندامي
وحيد من الحياه ولي ربوع وليّ أهل وأجداد
كثير ب عزتي لو (قلّ حظي ) يربك أيامي !!!
كبرت وصغْرت الدنيا بعيني والشقا يزداد
يمر العمر وتزيد الجروح وتذبل أحلامي
أنا (المستقبل/الماضي) (عشير اثنين ملح وزاد)
وانا اللي مرتوي قلبه وباقي مبسمه ضامي
صديق الذكريات الصابر ب ثوب الأمل لو باد
عدوّ الياس ليت الياس مايقرب من إلهامي )
حبيب الأمس/حلم اليوم وش عذره عن المعواد؟؟
مايذكر عاشقٍ ملّ الغياب( وشوقه الدامي) !!!
أمرّ ب شارع الصدفه ويطري لي (كفن ومهاد )
مهادٍ من ورايه ...
والكفن موجود ../ قدّامي )
على مشراف ذكراي القديمه ياغيابه ../ ناد
تراي أحتاج أشوفه لو طريقه صعب ل أقدامي
راشد مقبل