دروني هناك ! لين هناك ... تلقاني ..
........... الصبح هذا بعيد .... ومابعد شفته !!
مليت أكون الحبيب المخلص الحاني
........... مليت ، حزنه ، وتنهيده ، وأفأفته !!
ياجرحي البار خذني هناك وانساني !
........... للصبر يمكن ترد ّ الروح هفهفته !!
كم يشبه الحزن هذا الشعر بلساني
........... لامر ّ خايف وانا المسكين وقفته !!
والموت ناده وصيح بـ آه من شاني
........... قلّه ( أبو الهم ) نادى الهم من عفته !!
واللي خلقني من اللهفه .... وسواني !!
........... لو كنت قادر خفوقي كان .. كتفته !!
مدري على وين هذا الشوق وداني !!
........... ياليتني بس قبل اتلذّذه ..../ خفته !!
ضيّعت روحي ولا ادري وين ابلقاني !!
........... شفتك بعدها ورحت وما بعد شفته !!
الجمال لآيفني بعضه , بعض !! الجمال : يتراكم !
لأجل هذا كنتُ هُنا وحيداً هذا المساء بعد أن خرج الجميع من الأُمسية 2007 !!
ولا يزال هذا الجمال وكأن اللقاء البارحة ( والبارحة صارت عُمر )
شكراً وألف شكراً لهذا المتصفح الجميل ,