إن أعجبك جرحي .. فهذي متوني ..
والله مَ أخبر يوم قد أنّ لي ضلع !
وإن مَ اعجبك أو حاولوا يدركوني ..
مثل الطّشاش اللي على شفّة البلع !
قالوا : سنون ؟ وقلت : والله سنوني ..
قالوا تعالج سنّك ؟ وْقلت : بالخلع !
قالوا: عطيب وْ قلت : زيدوا عِظوني ..
بين العيون بْنصّ حجّانه الفلع !
ماشوفهم غير الرّماد فْعيوني
وْلاني من اللي يشتكي سيئ الطلع !
أوفيتهم وأعطيتهم وإن نفوني ..
وإلا الشّجر ماهوب يستاهل القلع !
والنّمل هو النّمل .. لو هم يبوني ..
سراب حلم إيراود مْخدّة الصلع !
روحوا مراويح السّراب فْظنوني ..
هذا يقيني دايم فْعالي الضلع !
باقي معي أصحابي اللي وفوني ..
لو ما وفيت بْخافقي .. أشلعه شلع !
.
.
محمد الناصر الشهري