[عبدالناصر الأسلمي]

مو هوى عشاق او لحظة غزل
واكتفي به وادعي اني هويت
هي مشاعر فوق احساس الوجل
وفوق احساس الهوى واللي هقيت
كنها غيث على قلبي نزل
وفوق لو قلت اني بالحب اكتفيت
ياشبيه البدر يومنه اكتمل
ارتويت بحبك العذب ارتويت
ما هي بس اشعار واهداء وقبل
يوم انا اقولها لك
بيت
بيت
صادقٍ هالحب مثل اصدق طفل
عارمٍ احساسك اللي به رضيت
راقيٍ هالعشق ما به من زلل
ما عساي اقضي بمثله لو قضيت
انت حبٍّ كل حسن مشتمل
والشهامة والمروءة واعتليت
حق له كل المعاني والجُمَل
في مداره درت وانته ما دريت
مو هوى
مو حب
مو عشق وغزل
جيتك
وشِفتَنْ هوى روحك
وجيت