لا الطَرْس يكفيني ولا يقدر الحِبْر
يعلّمك وش كثر انا منك موجوع
شف بعدك شسوّت بي اياميّ الغبر
مَيّ الحيا من وجه الايام منزوع
صرت أحسد الموتى على نومة القبر
من كثر ما بالضيقه يمرّ الأسبوع
لاتكرّر غيابك.. يصير الفضا شِبْر
والعين يصبح نومها شي ممنوع
مادَلّ قلبي غير دربك ولا آخبْر
سولف بغيرك يا اعذب العالم طبوع
ياكبرها الفرحة بشوفك وياكبْر
حبّك، تقل مالي سوا رضاك موضوع
حضرت قبل الياس في غيبة الصَبْر
يقنعني إن مواصلك.. حبة الكوع
ماشحّت عيوني بدمع الفرح كِبْر
لكن غيابك ما ترك فيهن دموع