محمد السالم
ركّز معي :
أه يا مقسـى الغـرام اللـي معـا متسلّـي
الشطر هذا فكرة كتابته فقط الفكره ، عباره عن قصيده ..
الشعور اللي ما كلّن يكتبه هو اللي يقولون عنه صيده .. وانت صدته
تعرف يا محمد بعض مرّات أقول الشاعر مثل المحرر الصحفي
الناس كلّها تمشي في هالشوارع ولكن المحرر الميداني تلقا عيونه مفتّحه وعقله يدوّر بين السيارات وبين البيوت عن ... خبر .
فالناس كلّها عندها احاسيس وشعور وإذا مرّ فيهم أمر بهالدنيا يعبر ما عرفوه ولا حسّوه ، الشاعر حساسات الشعور عنده المفروض تكون عاليه لمرّ به أمر ما ، دقّ الحساس فبالتالي ترجمه ، لذلك يا محمد قالوا الشاعر اللي جرّب الدنيا و كوّن خبره في صواديف الحياة يجيبها موصوفه كَنّك معه حتّى انّك ترمي غترتك وتقول هذا كيف جابها ... وهذا الشعر الحقيقي .. ما هو الشراشف اللي تلحّفها الشمس ، الشعر متعة حقيقية ناتج عن ارتباط مع احداث في وصف فنّي ملموس .
....
وهنا أنت صح :
الله أكبر منهو اللي قـد نكـر فـي حلّـي
...يشهد الشارع وحيّـك كْـمّ اغـازل بابـك
إسأل الأطفال في الحـارة وتعـرف مالّـي
...صار نجم في سما حيّـك ولا قـد غابـك
مات في طين انتظـاري مالحسايـف فلّـي
...ماقبل تربـة نبـات غيـر طيـن ترابـك
....
أنت شاعر جزل شعرك يتجاوز القراءة للإستماع
موفّق يا محمد