[تفاصيل منسيه]

السلام عليكم ورحمة الله وبركاته

صباحكم/مساكم سعاده بإذن الله
بسيطه من وحي الرتابه المسيطره
اتمنى ان تنال بعضاً من استحسانكم
ولا تبخلو بملاحظاتكم وآرآئكم >> فهي تثريني
أقول :
تنام الليل وعيونك عطتني للسهر أسباب .. عسى الله لا يسهرها عيونك يابعد عيني
تنام وتفتح لقلبي بنومك ع المواجع باب .. ألا ياكيف يهنالك منامك وأنت ناسيني
كفايه كذب لو تسمح؟! أنا ما أخبرك كذاب؟! .. تغيب تغيب ثم ترجع تردد لي (وحشتيني)
ترى من جرب الوحشه حقيقي ماطرى الغياب.. وحشتك؟! كيف,,أشرح لي؟أبي ألقى عناويني
أبي أعرف مكاني وين في قلبك بدون حساب .. بلا تفكير أثبت لي وجودي بك!! أنا ويني؟!
تعبت أساير أمواجك بكم مركب بلا ركاب .. مراكب قلبي وأحساسي المجروح وسْنيني
مراكب ساقها لك شوقي المجنون بك ،، مرتاب .. شمالك ضاع في غربة جنوبك وإنتهى فيني
تعبت أستجدي وجودك تعبت أواجهك بعتاب .. تعبت من التعب,,منك التعب ياهيه ماليني
أناأدري وضعي بقلبك مثل صوره بحضن كتاب .. على رف المشاعر لا خليت بنفسك تْجيني
تبيني (سر) و الأسرار ماينفع تكون أحباب .. تجاهربي غياب ولا طريت القرب تخْفيني؟!
أنا من غاب عن عيني,,بقلبي ماكأنه غاب .. أنا من شافني بعيون قلبه مايخليني
أنا كم قلت أنا لين الـ(أنا) إتْصدرت الأسباب .. الا ياكثر أسباب الفراق وياشقا عيني



وسلامتكم




دمتم بود