قاعد
يصف العصب حد العصب
يمكن نسي ربو
وصار الغضب , كومه حطب
بتحرق بلد
وقف على باب الحكي
يلملم جُمل
يجمل كلام الفشل
مثل الطفل
لما ثيايو توسخو
خاف وخجل
وبعيد بعدو الصبح
كان الفجر علقان
بين العتم والضي
وشوي, بعد شوي
بتضوي الشمس , هذا الجبل
هذا الجبل احلى جبل
وهاي البلد احلى بلد
من كثر ما بيشتاق البحر لعيونها
بيمد ايدو ت يمسّح خدها
ومثل العروس القاعده عالمرتبه
نسوان بتزرغد, وصبايا تزفها
بيغار منها الريح
بيبعث غيوم العاصفه لتضمها
ومتوجه , نجوم السما اكليل
وشو شامخه
غدر الزمن ,ما همها
هاي البلد
ختيار مثل الدوالي الحامله قطوف العنب
حامل في ايدو نهار
وجهو الحلم, وغبار
عيونو قناديل الوعد واسرار
تعبان
كلو محبه وحب
ودموع وعرق
لما بتنزل ع الارض
بيطلع عشب
بيطلع شجر, ورد وحبق
وبيصير الفرح حيطان
بتعلى بيوت, وبعد بيوت
ونحنا من العمر مشوار
منموت
وهاي البلد بتظل
وما بتموت