لروح جدي
ورقة أكملت أكثر من عامـ : )
ألا يا ليل من طولكـ .. تعبت أتابع الأفلاكـ ....
و جلست أتأمل الدنيـا .. وأتسلا على أشجاني
ألا يا ليل ذا قلب بدويــه .. ممتلىء بأشواكـ ...
يغني للقمر بلحون .. " تشبـه لحن جدانـي "
[ ياغالي أسبوع من بعدك .. وبنتكـ ما قوت تنساك..
و كيف أنسى .. ووجهك منرسم فـ عيون عماني..؟ ]
بحاول أبتـعـد عنهم .. بــروح بعيــد لين ألقاكـ ....
بضمكـ داخلي .. لو كـان تشويني .. و تصلانـــي
و بقول أن ضاقت الدنيا : يا ربي همي مايخفاكـ ....
يارب آنــا في وقت الحزن ما أعرف غير قرآنــي ..
يا حزنـي .. قل لي من جابكـ بعد ما خاطري وداكـ ؟
أبسأل منهو يدلكـ .. ؟ ومن يعطيـكـ عنوانــي .. ؟
بتم الحين سبـع أيام .. وأنــــا في المجلس أتحراكـ
و أعد نجوم ليلي .. لين .. يبدأ يومي الثانــــي ...
تعرف يا الحزن طبعي .. وطبع الحـــر ما يخفاكـ ...
أقلطكـ بوسط صدري .. وأكرم كل ضيفانـــي .....
ياأبــوي .. الناس تسألني .. وينه عنكـ من رباكـ ..؟
يا أبــوي .. أعرفكـ ما ترضى لقلبي هموم وأحزانـــي
تذكــر يا يبــه .. كل صبح أضم ايديكـ .. و اتفداكـ : )
يبــــه .. قهوة [صباح الخير] تسأل ليــه خلانــي .. ؟
خلاص أوعدكـ .. ياغالي .. ورب الكون ما أعصاكـ ..
بنــام الليل من شانكـ .. و بتـقن درسـي إتقانــي ...
"
"
و لأني مؤمنـــه بالله .. عينـــي ما بكـــت فرقــاكـ ..
و بقى غيابــكـ .. مثل جمره [استقرت] وسط وجدانـي