[عادل العواد]

تسعى لـ/ قلبي .. يابعد كل قلبي ؟
هو أنت ماتدري ؟ من أول سعالـك
قبل يتواجه سيـر دربـك ودربـي
ميت عليك .. وميتٍ فـي وصالـك
نعم : يحبك .. مستحي مـو مخبـي
ولولا الحيا مبطي تركنـي وجالـك
يغلييييييـك حيـل الله ربـه وربـي
ولا انفتح بابـه لحـيٍ سـوى لـك
ما أقول أخاطر واقتـرب للمطبّـي
خطوات رجلي قبل تمشـي تمالـك
منهو حلـم انـه يداعـب مهبّـي ؟
محّد وصل للي وصل لـه مجالـك
مو كل من نـادا لقـى لـه ملبّـي
عمره فؤادي ما سخـف لأي سالـك
أيه افتخر واعتز دام انت ( حبـي )
واكبر شرف لي يوم ( كلي حلالك )
ياخي قصيدي من غلاك ابتلش بـي
لك صار متحـوّر وشوقـه دعالـك
والشعر لو ما ينكتـب فيـك سلبـي
لا ملـح لا قبلـه بليّـا خيـالـك !
تطلب بعد كل هالغلا بس ( قربي ؟ )
أنـا وقربـي يالسنـافـي فـدالـك






قلب الشعر

والله ثم والله أني أستمتعت بقرائة هالقصيدة

التى سترسخ بذاكرة الشعر الجميل


تقف كل المعاني أحتراما لقلب الشعر ولنبضها المميز