اقتباس:
المشاركة الأصلية كتبت بواسطة عاتقه
يارحلة التيه قولي وش بقى من ضياع
ظلم العطا يستبيحه كل عابر سبيل
فجيت صدر السما .. وانا فجوجي وساع
والعذر "سمح المحيّا" لو يضيع الحصيل
كنت التمس فالوجيه العابره عن شُجاع
يستنطق النور في وجه الزمان الضليل
مامرني في طريقي غير بعض الجياع ..!
عالوا على ضعف قلبي لين اصبح قتيل
كرمتهم .. ! واتركوا كفي بكف الوداع
مهما اقدم .. بعيني كنت اشوفه قليل !
احسنت ظني .. و ليته ماتجمل وطاع
ايقنت في طيب حظي واثر حظي بخيل
مهما غزت مجريات الوقت فينا تِباع
مُغتال بيض النوايا مستهان و ذليل
كنت افهق الليل عنوه ..ما تسلل شعاع !
كل مااستحث الخُطا دربك يضل ويميل
كان التفاتي!
عشان اختار وجهك .. وضاع
الذنب ذنبك مادامك
فالمحبه دخيل
افنيت الامال في وقتٍ كسيته خداع
قبلت عذرك .. مع انه كان جداً هزيل
مااهتزّ جفن السما ولا طاح غير الرَعاع
وماشال حملي سوى كتفي لو انه ثقيل
ماهي غريبه .. ولا اول من شريته وباع
مادام بتّمر عابر .. كون عابر جميل !
|
افنيت الامال في وقتٍ كسيته خداع
قبلت عذرك .. مع انه كان جداً هزيل
شعورٌ يتمخطر بالشعر
نص ملئ بالجماليات