منتديات أبعاد أدبية - عرض مشاركة واحدة - الوَجَع
الموضوع: الوَجَع
عرض مشاركة واحدة
قديم 01-11-2019, 04:07 PM   #1
ياسر إبراهيم خليفه
عضو أبعاد أدبية

الصورة الرمزية ياسر إبراهيم خليفه

 







 

 مواضيع العضو

معدل تقييم المستوى: 747

ياسر إبراهيم خليفه لديها سمعة وراء السمعةياسر إبراهيم خليفه لديها سمعة وراء السمعةياسر إبراهيم خليفه لديها سمعة وراء السمعةياسر إبراهيم خليفه لديها سمعة وراء السمعةياسر إبراهيم خليفه لديها سمعة وراء السمعةياسر إبراهيم خليفه لديها سمعة وراء السمعةياسر إبراهيم خليفه لديها سمعة وراء السمعةياسر إبراهيم خليفه لديها سمعة وراء السمعةياسر إبراهيم خليفه لديها سمعة وراء السمعةياسر إبراهيم خليفه لديها سمعة وراء السمعةياسر إبراهيم خليفه لديها سمعة وراء السمعة

افتراضي الوَجَع


السلام عليكم ورحمةالله وبركاته

احبتي اعضاء المنتدى الكرام
ومحبي حرف بكاء بلادموع

تحيه طيبه لكم وبكم تطيب الحياة
بعض من همس المشاعر التى اتمنى ان تنال بعض من الاعجاب

الوَجَع


للاستماع اليها على الساوند كلاود
اضغط هنا

وإليكم كلمات النص


الوجع

الوجع ميتحسبش بقولة أي
الوجع سنين كتير فيها ميت
ويقولوا حي

الوجع لما توزع الف ضحكه
علي الخلايق في الدقيقه
والحقيقه
كل ضحكه طالعه بدمها
من ضلوعك
والجرح مغصوب عليه
وياريته طوعك

ولما تسأل اي حد
الجرح ليه
يقول اختيارك
وانت سيد قرارك
انت اللي مشيت طريقك
وما اخترتش رجوعك

وفضلت وسط ليلك
تنادي النجوم
تنورلك في الدرب ضي

الوجع

الوجع ميتحسبش بقولة أي
الوجع سنين كتير فيها ميت
ويقولوا حي

التوهه عمرها ما كانت في سكه
التوهه في حياتك بتبان في شكه
ابره بتاخدها في الوريد
وبتسري في دمك
بتعالج كل ضحكه فيك بهمك
وتبينلك قد ايه مهتمه بعلاجك
من جروحك
وهي بتسرق واحده واحده
في كل روحك

التوهه سنين متغربين
فرحك ونوحك

ولما توصل نهاية الطريق
تلاقي البدايه دمعه نازله
لما تبص لاخر طريقك تلاقيه اوله
ودايره حياتك زي ساقيه
ولا في ايدك تبدل طريقك ولا تحوله
ولا قادر حتي تكمله او تهمله
ولا حد يواسيك في التوهه
غير دموعك
وكل دمعه لخدك صاحب جدع

الوجع

الوجع ميتحسبش بقولة اي
الوجع لما ساقية حياتك
متطلعش اي مي

عطشانه روحك للحنان
للامان
عطشانه تخلق جواك
اجمل كيان

محتاجه لوطن
تحس فيه حلاوة السكن
ووقت المحن
يبقى الحيطان

جدران تصد هجوم
الهموم والشجن
وتمحي تجاعيد الزمن
من ملامحك

الوجع

الوجع لما تنفيني خارج حدودك
ورغم غربتي أسامحك
وازرع علي حدود قلبي
سنابل طارحه قمحك
واسامحك مهما تنشف ميتك
ولا تروي ارضي
وبقليل الود منك ببقى مرضي

الوجع

الوجع لما ابقى راضي اتنفي
بره ارضي والغربه تكوي
جرحي كي
وداري رافضه حضني ليها
واموت فيها وانا بتنفس وحي

الوجع

الوجع ميتحسبش بقولة أي
الوجع سنين كتير فيها ميت
ويقولوا حي


شكرا لكم احبتي على
حسن الاستماع
واتمنى ان تكون حروفي
عن حسن ظنكم

تحيتي وتقديري

محبكم
ياسر إبراهيم خليفه
بُكاء بلادموع

 

التوقيع

حرف إحساسي قصيد فى مجمله
ماهمني" لونه"بحره" و تفاعيله

صحيح ان أجمل الاحساس اوله
وصحيح الحرف واصف تفاصيله

بعض القصيد وحي من دنيا الوله
وبعضه حرف ما تلقى للوله دليله

وانا قصيدي إحساس طيف وأخيله
بعضه غصه وبعضه قصه جميله

نقره لعرض الصورة في صفحة مستقلة
وبعض الحروف ما تلقى التكمله
وبعض الاحساس من حرفي اشيله

اه يالقصيد كل حروفك مشكله
وجرحك دوا للقلوب العليله

ياسر إبراهيم خليفه**بكاء بلادموع**

ياسر إبراهيم خليفه غير متصل   رد مع اقتباس