هز الشعور ورفرف الهاجس أبيات
وهلت مثل مسباح سلكه تجاري
عليك يالراثي ترى الميت مامات
مدام خلف هاشمين الصواري
ياكم عبس جونا والفرح فات
والليل يجلبلك هموم وطواري
كثير عاشرنا وقطعنا العلاقات
والعمر يمضي صك واحساب جاري
يجري لوقتن فيه كل المهمات
واليا أنتهى لاشك ذقت احتضاري
والموت يانايف عطانا علامات
ان العمر يقضي وسجل قراري
والله من فوق السما والمجرات
يرزق دوابن في غفار وخباري
رحيم لاتخشى على الحي لامات
الله ارحم لو تهل العباري
ودعاك مقبولن بوقت الصلاوات
ادع المجيب اللي للأرواح شاري
واختامها هليت ماجدت بأبيات
مامات وخلفه هاشمين الصواري