[عبدالمجيد العِزّه]

..

[ .. قـلـق .. ! ....

..

من علّم اقـدام القـلق ويـن مأواي ..
................... غير انت .. ياصاحب معالي جنوني

كنت ارسم الخطوه على حدود مغزاي ..
...................ثم صارت اقدامي .. تمّشى بدوني .. ؟!

ماعادت متـوني حِمل نشـوة خطاي
...................ولاعادت النشـوه ..تحـرّا متـوني ..!

وماعـاد فـيني لابتسـامة مـحياي ..؟!
...................راح اكثري .. واللي بقى بي طعوني ..!

من وين اوّزعني على مجهر عداي .. ؟!
...................ومن وين اعشمّني .. واخيّب ظنوني .. ؟!

لاصبح يدفعني على معانق الجاي ..
...................ولا ليل يسحب دمعتي من جفوني ..

ماغير اطالع بالسماء واحسب اخطاي ..
...................الين طاحت من عيـوني .. عيـوني ..

ياشينها لاطاح هالوقت شرواي .. !
...................واشيّن بعد .. لو تعـرفـه ياجنوني .. !!

..