[نياف العتيبي]

[poem=font="simplified arabic,6,black,normal,normal" bkcolor="transparent" bkimage="backgrounds/43.gif" border="solid,2,sienna" type=2 line=0 align=center use=ex num="0,black""]
صدفه وجابتها تخطى علـى هـون=تقّصر خطاها عطرهـا قـد سبقهـا
حاولت أغض الطرف وأبليس ملعون=حتى النظر بالغصـب منـي لحقهـا
فيها جمال الكون هي روعة الكـون=عن غيرها فالبيـض ربـي فرقهـا
ريمية ٍ تجفل من أدّنَـات هالـدون=لـو ظلّهـا يهتـز ّ يكثـر قلقـهـا
العود لين والحشـا تقـل عرجـون=والخد فيه الشمس مـدري شفقهـا
فيها شقاوه.. لون ياحـي هاللـون=تجرح شقاوتها حشا مـن عشقهـا
تلبس عبايه كتف واللـوك مجنـون=لاشفتهـا سبحـت للـي خلقـهـا
في شوفها كـل الجـوارح يهلـون=حتى مسام الجسـم بشـت عرقهـا
أقفت وفي قلبي علامات وطعـون=وأقصى معاليـق الضميـر أتحرقهـا
تبعتهـا والقلـب هايـب ومغبـون=انهاهـ..عنها مارغصـب اعتنقهـا
ياليتني ماطعـت شيطـان فرعـون=ونهيت نفسي قبـل يكثـر غرقهـا[/poem]