[خالد الداودي]

المشاركة الأصلية كتبت بواسطة عبدالعزيز رشيد

بإهدائها وحالتها:

[poem=font="simplified arabic,4,#00008b,bold,normal" bkcolor="" bkimage="" border="none,1," type=2 line=1 align=center use=ex num="0,"]

سرى الهاجس وفارق ليلة القمرا=وماغيري غرس عمره على بابك
عنيدٍ والنعاس يغازل المسرى=حبيبٍ ماتهنّى يعاتب اغيابك
وطل النور قلت انتي وانا أدرى=وفاح الصبح مدري فاحت اطيابك
حبيبك شاعرٍ يكتب ولايقرا=وتتهجّى عيونه لمحة اهدابك
خلاك الذمّ ياللي سيرتك عذرا=رعابيب الحشى الغرّا تعزوى بك
لمحتي بالغروب خدوده الحمرا؟=ومثله لامحك يوم الحيا انتابك
أضيع بعينك اليمنى على اليسرا=إذاما سلهمن من شيّ مارابك
ولك طبع الغصون الغضّه الخضرا=ونطقٍ عذب يغري النحل عنّابك
بقلبي خايع وعشقي لك المجرى=حواليها تنامت رطبة اعشابك
خطاوي سالفة خلخالها ذكرى=إذا هي قاربت خطواك تحلى بك
ونفنوفٍ تبينه بالـ (غلا) يشرى=وروحٍ لو تبين تصير جلبابك
ومنهو يوصفك يالنوفة العفرا؟=يضيع الوصف باسلوبه وماجابك
وذعذاعن يفل العشب لاهذرا=سواتك بي وعشب القلب متشابك
أصوّرلك هبوب وسيرتك تطرا=هبوبٍ وانسكب برده على ثيابك
تعالي وارحلي والجرح مايبرى=يظل يقول قلبي عندك اسبابك
سرى الهاجس مزاعل ليلة القمرا=وماغيري ترك عمره على بابك

[/poem]

ليلة تطرد نجومها للفضاء
الا نجما واحد يظل ينتظر على الارض .. ليضيء باب السهارى
ونخلة تقف بطولها شوقا تتساقط حبات من الوجد
لا يبرح النجم مكانه
ليضيء المكان لمن اراد التقاط شيئا

اعتقد كنت الاكثر التقاطا لهذا الرطب
بيدي الآن الكثير منك يا عبدالعزيز ..
لا استطيع احتساء قهوة .. صائم

ولكنني اتذوق الطعم دون افطار
صباحك يشبهك .. جميل
وهذا النص من اروع ما قرأت لك بعد
حي المنازل حسب ذاكرتي المبتلة بالنسيان

ايها البهي
طاب يومك .. واماسيك اللؤلؤية

خ