حسبنا للوفا..لكن ، فشلنا والسنين شهود
تـن كـر من وفـيـنا له..وكنّا مـاوفـيناله
هقينا كثر طيبتنا مع اللي نعتقـد مـوجود
تأثَّر والغـــلا يبقى على حلّه وترحاله
تاريخ التسجيل
05-20-2006
إجمالي المشاركات
12,166
عبدالله العويمر
شاعر و كاتب
مؤسس
على صـوت الـريـاح اسمع نـداءات الغـصن والطـير
نداء الغصن رفرف له جناح وخافت اوراقه
حسبت الطـير من صـوت الغـصـن غنّى مساء الخير
حسبت الغصن غنّى يوم شاف الطير واشواقه
وجيـت اطـرب ، ولكني لقـيـت ان السـوالـف غير
لقيت الطير يبكي ، والغصن قد جفّت احداقه
هديل ٍ عانق رياح الجـفا ، واللـيـل ، والتـقـصـير
على صوته تمنّيت الصباح ولحظة اشراقه
عـِـزّة النفس عندي فوق كل اعتبار
ماتهـون الكـرامه ، دام فيني حياة
لعـنبـوها حياة إليـا نـقـصهـا وقـار
لاهي اللي حياة ، ولاهي اللي وفاة
****
أنت ثابت والبشر حولك تروووح
أنت مثل الأرض لي موطى قدم
يعني:انت اللي بك الأجمل يلوح
تبني الآمال لو غيرك هدم
يارفيف الحب ياطــب الجروح
يامــليك وكل من حولك خدم
قل وش الدنيا؟وانا اقول الصروح
فــيك..وبــدونك عساها للعدم
****
الشعر ضيق ، ويحسبونه وسيعه
وانا الوسيعه ضيق ، والضيق شعري!!
تعبت أزيف ضحكتي ، والخديعه
أخدع بها نفسي ، والاحساس : قبري
هم بايعوني :شاعر ٍ ، بس بيعه
مافرحتني ، زوّدت ضيق صدري!!
والدمعه اللي تشتكيلي :قطيعه
يصدها عمري ، وشوفي ، وقدري!
التجربه : حزن ٍ بصدرك وديعه
وياشينها لاانكرت ، والكل : يدري!!
الـلــيــل صــحـــرا ، والــســهــر اقــــــدام ، والــغــربــه ســــــؤال
والصبح خطوه ، والدروب ايام ، والموطن : عليل
والـــوقــــت ذكـــــــرى مــؤلــمـــه لاكــفــنـــت لــحــظـــة وصـــــــال
والعمـر ماضـي لااصـبـح النسـيـان فــي عيـنـك قتـيـل!
الــبـــارحـــه مــــــــرّت عــــلـــــي لـــحـــظـــات يــــاشـــــوق الـــلـــيـــال
مـــاكـــنّـــهـــا الاّ بــــــيــــــد ، والــــســــاعــــه ثـــوانـــيـــهـــا صــــهــــيــــل
أحــســـهـــا بــــيــــن الألــــــــم والــــلـــــو ، واجـــــــــراس الـــمـــحـــال
واشيـلـهـا لااقـصــى مـكــان ، ولاأشـــوف انّـــي اشـيــل !
رفــــيـــــف دمـــــعـــــي كـــــذّبـــــه عـــــمـــــري ، ولـــــكـــــن لايــــــــــزال
وهــزيــم صــــدري ضـــــجّ بـــــي ، والــدمـــع عــيّـــا لايـســيــل
وترحـل تحسبنـي لارحلـت اقـدر عـلـى النسـيـان !
وانــا الـلـي لاطــرا طــاري رحيـلـك ضـعـت بشتـاتـي
دخيلـك ،،بسـألـك لارحــت منـهـو فينـنـا الخـسـران
أنـا والاّ انـت ؟،،جـاوب قبـل ماتكتـب بــي آهـاتـي
أنا اللي من عرفتك والسما قوس ، وغلاك الوان
وأرضــي تـعـزف اهـزوجـة فــرح لاجـتْـك خطـواتـي
وصوتك غيمة ٍ أحيت جفافـي ، والوصـل هتّـان
وحــزن عـمـري يـمـوت بضحكـتـك يـاكـل بسـمـاتـي
تعـرف انـك غــلاي وراحـتـي ، وان التـعـب لابــان
يـمـوت ان جيتـلـك يالـلـي هــواك اجـمـل حكـايـاتـي
وتعرف اني علـى بسـاط انتظـاري أجمـع الأحـزان
واكـبّـلـهــا اذا وصــلـــك اخــذنـــي مــــــن مـتـاهــاتــي
****
ليت الغياب اللي يجي منك عادي
وارتاح من : ذكرى ، وقلبي ، وياليت!!
عبدالله العويمر
كل عام وأنت بخير