[سرحان الزهراني]

( وانا جالس أخيّط بالي المشقوق ! )

إهمالي لك .. خلّى برودك .. ينتظرني ؟!
والفراغ ؟!
الفراغ اللي ورى صوتك .. بعد كلمة أحبّك ؟!
لحظة انّي .. كنت اصبّك !
في عروقي , و ارتوي ..
وانتي تزيدين العناد !
آتقهواني معك .. وانتي البعاد !!
وآتصبّر ..
آتصبّر لي متى ؟!
يا قوّ قلبك !
و انتي من بعد الفراغ اللي صنعتيه ببرودك ..
باردة !




( ............... )

قِل فراغ !
والفراغ أشْيَن من انّه يحتريني ..
قل تعب !
و التعب عمره طويل , أرْبَك سنيني !
ايش طيّب ..
شعر ؟!
غصب و الا طيب .. شاعر
ما كفاني الوقت شرّه ..
قلت يا حظّي .. " بَلَشْنِي " !
كيف اقلّب عين ما شافت عيونك .. ؟
وافـ / رفوف الذاكرة :
ذاكرة شابت .. بذكرى عاهرة !
قلت ادوّرني بـ / فراغك ..
واشتعلتك ليل .. بارد !
ليل .. يا عزّ الخوي ..
عطني سيجارة :


( ............... )

[poem="font="simplified arabic,4,black,bold,normal" bkcolor="transparent" bkimage="" border="none,4,gray" type=2 line=0 align=right use=ex num="0,black""]للهدوء .. اللي سكن كلّ الفراغات بـ/ كيانـي = للسما , للون الأزرق في الشوارع و البيوت !
فلسفة ! و اكتب مزاجيّة فراغ و شخص ثاني = اِنحدارات و صعود , و تيه في صحراء موت !
اِيْ مزاجي .. ما افتكرني غير انا و الا زماني = راح للرف البعيد , اوزيت همّي جوف حوت ! [/poem]




و قبل لـَ / الفرصة تفوت ..
قلت أموت ..
قلت أموت ..
يمكن القاني بدونك !!!!



( ............... )

جــدة .
16 ايلول 2008م