[عبدالله صلال العساف]

بلا....لا....وبلا مقدمات.....

جحود المناديل

تعبت ارتّب دمعتي فوق الأوراق
وأنطر مناديل الرّضا من كفوفك
جفني يقص إبصورتك كل مافاق
ماودّي أفتح رمْشي وما أشوفك
كلمة تمنّيناك والقلب مشتاق
ماعاد تقنعْ عاشقٍ مايشوفك
دربٍ طويل وغربه وليل وإفراق
وشوقٍ تعدّابي حدود إمْعروفَكْ
وشيٍ من الذّكرى على البال ينساق
يفتح مداهيل الضّلوع إلْطيوفكْ
مدرى شبي؟فوضا بلا إحدود وآفاق
من المشاعر ماحوتْها رفوفك
إلشمس الوله فيني مغيبٍ ومشْراق
ليته مثل ماحافت أرضي تحوفك
يامعوّد إعيونك على جرح الأعماق
علّمني كيف أقدر أحاور إسيوفك
ماقولّك ولهٍ ولاقول مشتاق
تدري إبقلبي لعبةٍ في كفوفك
يامعلّم إعيونك على سبي الأعناق
ليتك معاي اليوم تُوفي إمْعَروفَك

عبدالله الصلال العساف