صباح الشعر والشاعريه...اهديكم هذه القصيده التي نشرت في مجلة
جواهر الاماراتيه ...
( هتشكوك )
ياشذى ربْعنا تتقن صراع الدّيوك؟
بس اشوفه رغم هالشّي متدّجنه؟
في طريق المعالي حايره بالسّلوك؟
تتقن القول والا الفعل ماتتقنه؟
عفت يالمكرفون اشفاه من ركّبوك
وحتى الاسماع ملّت جلْد هالالسنه
ثايرين الحكي يا أمتي دوّخوك؟
من كل غصن اجتماع اهدوك مستوطنه
في فصول الروايه تاه من فصّلوك
وملّلت نشرة الاجواء هالمدخنه
غيّمت عين أهاليّك ولا قيّموك
والجيوب اصبحت باصفارها مثخنه
والمساحه تضيق ابعين من شبّروك
علّمونا التقلّص..لين مانتقنه
من تفضّو اهل فوضاك ماضفّفوك؟
اتركوك ابزوايا الجوع والفقرنه
في موايد بذخهم يوم ماوجّبوك
كولي الجوع والتهميش والعكننه
بإنسياق المشاهد مايثير الشكوك
وماترك مشهدالتزوير اي برهنه
ذي كواليسهم يحتاربه هتْشكوك؟
كل كلاكيت فيها حيّر الدوّنه
ولاحظي زجمة الآراء بالفسْبكوك
هي نتاجات منْع النّشر والرّكننه
واسمحيلي اتفلسف يالغزال الصّحوك
معْك يحلا الحكي والشعر والدلْعنه
ويابريد المشاعر ربعنا علّبوك
كل كلمة غزل في ضفّتك موهنه
جيت اطل ابشبابيكي على البوّبوك؟
ل و مابه إلمثلي يالغلا سلطنه
لا هذولا اعجبوني ولا اعجبوني هذوك
مدّي اكفوف سمْعك مالت الأغصنه
آتثاقل طريق الحب كل مامشوك
وآتساهلْه لعيونك واهد ارْسنه
وآتوارى عن الانظار كل مارووك
اخاف ترويني الدمعات للأعينه
عبدالله صلال العساف