السلام عليكم ورحمة الله وبركاته
تحت ستر الليـل ونجومه وضوء الباهـر
والنسيم يداعب اسماعي ولا أحد ٍ يمــّــي !
في مكان ٍ رجمه العالي يشابه ساهر
اتوّجد وأمسح دْموعي بطارف كمــّــي !
ياوجودي يالزمان اللي انا بـه زاهر
يوم ما اصعد غرفتي من قبل شوفة أمـّــي !
كنت من كثر السعاده والتبّجح باهر
العصر يم بيت خالي والمساء يم عمـّــي !
مدري وش سويت في دنيا الشقى والظاهر
حالفه ما تجوز عن حزني وكثرة همــّـــي !
عذبتني .. ما اتركت قلبي وقلبي طاهر
حاربتني بدون سيف ودون سيحة دمـّـــي !
يا أكون أشجع رجل وأقاوم وأتظاهر .....
بالنصر .. أو أرفع الرايه وأموت بغمـّــــــي !
تحيتي ،