قيد الكتابه
وش فايده حرف الشعر في جرابه
إن ما يجرد وسط الاحساس ويبين
مرت مواسم وآنا ... قيد الكتابه
ادور الجزله ،، ولا شفتها وين !
اتنفسه عطر الورق ،،، فـ انسكابه
من قبل لا يعطر قلوووب المحبين
وآنا فـ راس الريح اقفي سحابه
اسكن فـ قلب الجيم وابعثر السين
انخى القصيد الجزل يفتح لي بابه
عساه يفتح لي على درب غالين
وكنت انتظر فكري يورد ،، اجابه
لين امطرت مزنه كذا بين ما بين
واستبشرت ارض الكرم بـ اقترابه
حتى نبت من قلبها شجرة التين
اما بعد ،، شاعر ،،، والاشعار غابه
استشعر الفكره من الزين والشين
شروى الذي يختار جوده خصابه
من قبل لا يقدم على ضيوف "عانين"
او مثل لي فك السبق من عقابه
وصوب نياشينه على صيدته زين
عدت مواسم ،، وآنا قيد الكتابه
لين انبتت ازهار عمر الاربعين
القاف ،، اللي ما يغذي صحابه
يوب الذي يمشي ولا يعرف لهين!
ارشيفية 2017