[سليمان عباس]

المشاركة الأصلية كتبت بواسطة محمد آل وافي

معاليكم ،،،
... حسَب آخر حديث و طالة الفرقا
عسى باقي بخير و هيئتك ! باقي على ما هي

شحب وجه الزمن بَعدك و لا بانت سما زرقا
لـ ويْن أهرب متى جفّ الكلام و يبّس شفاهي

ومن حولي عتب مُنهِك وجد طعم الأفا حرقا
و خلّاني كذا واقف !.... ترى واقف كذا فاهي

أراجعني ،،، اذا ممكن ؟!. ألملم عيني الغرقا
وطفل الشوق ذاك اللي على كف الأمل لاهي

إلى آخر صدى مسموع ، تسمّع ! نبرته شرقا
كأنّ التـأتـأة تـحكي : صـراع الآمـر النـاهي

احس اني قدرت انسى و اسرق لحظتي سرقا
عشان: اطلالتك اول !... و ماضي بيننا راهي

معاليكم ،،،
... انا لا زلت بـ أحلام الوصل أرقى
على متن السراب ، و همتي يا سادتك جاهي

#محمد_آل_وافي
‏

الله على الحنين وما يسوقه لنا من رهافة حرف ورقي عزف
آل وافي
صح لسانك يا وافي