يارب وان طاحت من عيوني جبال
ماطاح من عيني عظيم الرجا بك
جيتك كسيرة قلب وحمولي ثقال
ونوخت بركابي على آعتاب بابك
يارب عفوك هاجس الفكر بي جال
وليلي طويل ومابه الا جنابك
يارب خذني لك على كل الاحوال
أنت الملاذ ومالي الا رحابك
يارب في صدري من الهم زلزال
يالله دخيلك لا يجيني عذابك
يارب ذنبي لو هو حمول لجمال
عفوك كبير وضعفه آكبر عذابك
يالله رضاك آبغاه ولا طايل المال
هو غايتي لا حل ساخط عذابك
يالله برد العفو لا مالت الحال
عطشى قلوبٍ والطمع في سحابك
شواهق نجد