جتني
وهي مستعجله ..
ينده لها : صوت الفراق !
قالت .. عسى
صدرك يطيب ؟
قلت أكتمل :
عجزه مهيب !
كتفي كفيل " ويوزنه "
قالت : وإذا ؟
عادي .. كذا !؟
قلت إيه - وألقى قافيه ..
فيها الموسيقى " باقيه "
قالت : كذا ؟
مافي لقى ؟
طيب إذا ممكن .. أعود ؟
قلت : اللقى ماله وجود !
بس نلتقي
بين السطر
في أي فكره
تحتضر
في بحر له
شاطي وعر !
في أي ترميز .. أنتهى
من قبل يبدا .. واختفى !
قالت : وانا ..
وش موقعي ؟
قلت أول .. أسفل أصبعي
شطرٍ بديته .. بااضلعي !
قال ليديني ..
أهجعي !
نامت ..
ومن نامت :
رحل !