___
أنا أحتجتك ..
بهذا الفجر ..
يجيبك ..
مثل نسمة عطر !
ولكنّه يصّر الصبح !
يجي يحمل ملامح جرح !
عساكِ بخير .. ؟
وأنتي الخير !
عسى صدرك بعد آمِن ؟
وهو موطن سما .. ثامن !
حزينه ؟
خاطرك كيفه؟
يزول بهالشتا .. صيفه ..
أحلفكِ برب الما ..
أبد ..
لايدخلك ظلمى
وإنتي الضي .. والأضوا ..
تخافين الظلام .. أدري !
يخافك أكثر .. ويمضي
ترى روحك تشّع النور ..
وتشعل بالمسا .. ديجور
إذا مرّك سواد الليل ..
تصير إيدينك .. القنديل !
واذا مرّ الحزن .. وجهك !
ترى حسنك .. غلب حزنك
واذا همّك .. غدا تايه
توّضي
أقري كم آيه
ولا تشكين " هالوِحده "
ترى الله يكفي ..
لوَحده !
بيوت الناس " مقفوله "
وباب الله .. مايُقفل !
-