.
.
.
.
مواعيد الولـهـ
.
.
أيـدي بـ أيـدك دام قلبك يبيني
ـــــــــ الليل فرحه في حضورك / حضوري
.
عينك تمد أنظارها صوب عيني
ـــــــــ وتهيم تلقى بـ عيني يفيض نوري
.
أمسك يديني أحساس أمسك يديني
ـــــــــ خذني وخل الغيم يروي زهوري
.
الليل غنّالي ولحّن حنيني
ـــــــــ ترجم شعورك بوح ينثر شعوري
.
أنت المدينه ونبرة الصوت فيني
ـــــــــ خجلى وصوتك بالمحبه جهوري
.
على مواعيد الوله تلتقيني
ـــــــــ عطرك يفوح ويمتزج مع عطوري
.
مادام جسرالحب بينك وبيني
ـــــــــ تعال رش الأرض واسقي بذوري
.
ياليلة الحب العظيم أكتبيني
ـــــــــ لحظة لقا لأنه تحرى حضوري!