[عبدالله العتيبي]

الحاضر الغايب
..

الخاص مهمل وقلبي
مهملن روحي
من عدّت اعوام لاجتني
ولا جيته
..
من غابت الشمس
رحت اغطّي جروحي
إهمال بعض الجروح
يسبب الميته
..
ماكنت احسب إنتظاري
يجرحه بوحي
حتى نشف نهري
الجاري ومدّيته
..
وجيتك بقايا عشيرة
هدّه نزوحي
من حب الأوطان حتى
البعد حبيته
..
ادري ....
ولا الملح يقدر يروي
سفوحي
وصحوة ضمير الليالي
صعب توقيته
..
وشلون يرجع خيالي
يرسم طموحي
وانا على كف عفريتي
تعديته
..
شمعة زماني طفت
واللي بقى نوحي
وذكرى من الحاضر
الغايب تمنيته...

عبدالله العتيبي