طاح القلم رعشة على صدر الاوراق
من عقب ما خذ له على السطر جرة
حرفين ثالثهم سرى بعد وفراق
والباقيات اثنين حول المجرّة
حرفٍ طويته ناظري بين الاحداق
وحرفٍ تقاسمه .. الأسى .. والمعرّة
قاسي .. على جر المعاليق ... تواق
آسي شرب من كاس الاشواق مرّه
يشرب مرار الشوق ما فيه ترياق
ويأمل ورى كثر المعاناة .. مسرّة !
يخفي بلاه وكامل الحسن بوّاق
ادمى الجروح ... و نزفها مستمرّة
لو ما سكن قلبٍ على الوصل خفّاق
الصبّ .. ما يلقى من الصبر ذرّه
يجمع هقاوي رغبته كل ما ضاق
ويطرح بقايه... الشقا والمضرَة
تحياتي لكم
سالم العامري