عشتك مع الاحلام صبح و عصافير
و شمسٍ عليها الغيم .. ذاب و تهتّك
.
وسقت المطر ياحب . ضيف ومسايير
ومنّيت بك قوس القزح يوم شفتّك
.
لين ازهرت .. قفر الاماني .. نواوير
وفاض الشعر .. عذبٍ مثل ما وعدتّك
.
وغنّيت لك .. بين الزهر .. و النوافير
وجنّ الوتر .. من لهفتي .. لا عزفتّك
.
و عتّقت عطرك .. لين ذابت قوارير
وذابت حنايا شاعرك .. ما سكبتك
.
قم ضمني .. يا طيف سيد الغنادير
قم ضمني .. لا تلومني .. يوم ذبتك
.
عشتك مع الاحلام ..صبح و عصافير
وصوت المنبه ..يقطع الحلم تك تك