جيت ولقيت المسك يتكدس..ويكتض الضباب
تفرد ضلوعك للحياه..وتفتق أعناق مهدك !
أنا أدري إنك..تدري إني..أدري إن الكل ذاب
أغراب..في مفرق طرق..مهدود حيلي..وجهدك
ماعاد به درب ٍ معه..نرجي يعودون الغياب
تقطعت كل السبل..مابين حلمي..ولحدك !!
ومادام الارض اليا ظمت..ترجي مراويح السحاب
من الرساله . والعيون تخيل برقك ورعدك !
أحيانا ً الإنسان يتنبّا..ويشعر بـ..إنجذاب
يعني مثل تكفى..ودعوة سم..وأبشر بسعدك ؟
ماتت بلاد الشيطنه..ترسل مراسيل السراب
وأنته على خد السماء منفاك..والغيم بلدك
لو كان تاثق بالإياب..الأرض حنت للذهاب
وعيون قلبي..ماتقـرّ الا على راحت يدك !!
لاشك أنا رجل ٍ غريب ٍ..عن دروب العشق تاب
لو قربك حزنك لقلبه..صبح عيدك بعّـدك !!