لآل أبعاد ،،
صوت الوطن:
هالصوت مبطي يسافر بي وأسافر به
لو قيل عادي على مثلي،، ماهو عادي
ضاعت سنيني وأنا مقفي وأفكر به
أقول بكره ،، وبكره يوم ميلادي
حتى تأكدت من قربه ،، ومن قربه
واحتج سامع وكنت احتاج لمنادي
لبست وجهه ولبَست الخطى دربه
قلت أكسر عناد وقتي بآخر عنادي
والله يا بحرٍ خشيته عمر لابحربه
وأخوّف الخوف وأمشيله وأنا البادي
يا طير الأشواق واللي جيت به، طر به
خذني معك دام كل الكون جلادي
زانت بعيني عقب طول الظما شربه
من كف طفله وطنها طفل بفوادي
ما عاد أنثر زهور العمر بالغربه
رجعت يا أمي يا أرضي يا دفى مهادي
إن خانوا الناس ما خانتني التربه
والعز نبته مصادرها من بلادي