أنا على الهقوه أبد .. ماتغيّرت !
ورثت هذا الطيب عن أبٍّ وجدّ !
اللاء ماهي عندي ولو تخيّرت !
أبسط ذراعي لين تاصل هل الوجد!
بنت الكرام اللي تقول إنت حيّرت!
بقول هذي شمس والقيض له حد!
الله يجيرك قبل ماني تجيّرت !
الله وكيلك ماغدا للحزن .. ند !
وانا من أهل الله لا .. ماتطيّرت!
الدرب أخضر ، روح ياأحمر الخد !
ماعاد أعتب ، مقفي أوّ جيت سيّرت!
لو صدري أحرقني ، ابهمس من البرد!
عشت الوجع مرات بس ماتأثّرت !
وان صار قلت بخير ، وش يعني الصد؟