عقب إكتئاب البارحة ماعاد أنا حمل إكتئاب
الطيب جرجرني وأنا ماني بناقص جرجرة
اللي يخاف من الظما يترك لنا طرد السراب
واللي ماهو بقد الظلام ووحشته لايسهره
أنا تجرعت الظما لين إحترق وجهي وذاب
أنا كسرت بخاطري قبل الصداقة تكسره
أنا خسرت اللي غيابه غير عن كل الغياب
أنا غفرت لعالمٍ ماتستحق المغفرة
أنا أكثر إنسان تعلم من كثر ما أخطأ وأصاب
أنا آخر لسان يتكلم في زمان الثرثرة
أنا القصيد اللي نزع من دفتره مليون ناب
وأنا الوحيد اللي جمع مليون ناب بدفتره