في الرابعه : فجراً ..
الناس ذي نامت !
فـ الرابعه : جرحاً !
الحزن ذا .. باهت !
ليش صاحي ؟
نام ياخي !
والله مقدر
والله مقدر!
كن هذا الليل .. مجمر !
قم تعوّذ من جراحك !
والله إن يكفي بياضك!
ماتعبت من الهموم ؟
والقلق هذا يدوم؟
قوم تالي الليل .. ركعه!
زيِد هالإيمان رفعه!
قم توضّ !
قم تمضمض من همومك !
ألف .. بسم الله عليك !
إنت مو شايف يديك؟
والله إن إيديك بيضاء !
والله إن سمعتك .. تسمى !
والله إن يطرون .. ذْكرك !
فاخروا ب طيبك .. وإسمك !
إنت وشبك ؟
ألف بسم الله عليك !
واللي يرحم والديك !
قوم طيّب .. لاتنام !
أوقف ، إثبت بااحترام !
إنت قامه !
إنت هامه !
لو يطيحون العرب !
والزمن هذا غَرَب !
إشمخ ، أوقف !
ماانت شايف ؟
شوف وجهك !
هالسماحه والبياض !
ليش تاليه إعتراض ؟
إحمد الله ، سبّح الله ، أشكر الله !
مايطيح إلا الكرام !
مايئن إلا الشهم !
جرح صدره ماالتئم !
إنت لولاك الشهم ، كان مااوجعك اللئم !
كم لئيم ينام ليله !
وكم كريم يفزّ حيله !
كل شيّ وله .. ثمن !
لو دفعت أغلى ثمن !
ليه تندم ؟ ليه تغتم ؟
والله ياصدري .. تعبت !
لا لا ..
قل سحابه واظلمت !
مايخالف .. ماعليه !
كل شيّ .. وله ثمن !
قوم صلّ الفجر .. طيّب !
واللي يرحم والديك ..
الف .. بسم الله عليك !