سما ...!
الله يا طيراً يشاكس سحابه
................ يا ليت لي مثله جناحين... رحال
بل المطر ريشه وضيّع صوابه
................ بل المطر قلبي وسافر على الحال
مليت من قلبً مصدّق سرابه
................ وأنا على ضعن المقفّين جمّال
لي شفت بابه جرّح القلب بابه
...... يا صاحبي مالك على حمل الأثقال
أدري كبرنا وآخر العمر رابه
........... نرقى بها, تصغر بنا كل الأهوال
أجمل سنين العمر صارت عذابه
..... هالذكريات اللي تجي تعصف البال
ترميك في عهد الصبا و الصبابة
........ وتمرجحك طفل ً على غصن الآمال
كنّك مثل طيرً يشاكس سحابه
........... في مهمهات العمر طاير ورحال