[تفاصيل منسيه]

السلام عليكم ورحمة الله وبركاته
لكل من لديه قلبـ(ن) نابض بالوفاء
أهدي هذه الأبيات..
ولآ تحرموني آرآئكم..




أقول:



أنا يـ/بن الحلال ((آمال ثكلى)) والوطن منسي’’
غديت بْلا وطن يوم الوطن بعدك غدى قاسي..
تعال وشوفني..والله..قمت أصعب على نفسي’’
أموّت مْن الظما لنـّي!! سقيت الكل من كاسي..
حزينه>>والليالي قامت ونامت على حسّي’’
وأنا أنده عليك وما سمعت إلا صدى أنفاسي..
أدور للغياب أسباب ,, وإنته موقفك عكسي’’
تغيب بْلا سبب وإن غبت تقلبها على راسي..
تخليني وسط أعماق بحرك ثم تقول : إرسي’’
إلين اليأس غرّقني ,, ومتّ بحسرتي ويآسي..
أحبك .. ليه ماتفهم ؟ جمودك والله>> يقسّي’’
جرحت إحساسي المرهف بحبك يا بعد ناسي..
تعاملني بقسوه وإن زعلت تقول لي : إنسي’’
وأنا وشلون أنسى قلبي المجروح وإحساسي..
ألآ ياليتني صدّيت عنـْك وصرت في أمسي’’
..,,بقايا ذاكرة أوراق خرسا وسْط كرّاسي،،..
أنا يـ/بن الحلال (أحلام غابت) والوفا منسي’’
غديت بْلا وطن من يوم قلبك باع يـ/لقاسي..



وسلامتكم..

دمتم حفظ الرحمن