لعبة الإهمال.؟!!

[عبدالله العتيبي]

افج صدر السماء واشوفك قبالي .؟!!
ويمطر خيالك على بالي كما الهمال
|"|
واهيم مع ذكرياتك اول وتالي.؟!!
واقول : ليت الزمن هذاك قربك طال
|"|
انا من اول وحيد وعايش لحالي .؟!!
اجاري ظروف لا يمكن تجي فالبال
|"|
ومن عرفتك قلت : هالدنيا بتصفالي
وارتاح لكن عشقت بحبك الترحال.؟!!
|"|
من شان عينك مزجت المر بالحالي.؟!!
وشربت كأس إنتظاري لثغرك القتال
|"|
ولا : نابني غير مكيالك لغربالي.؟!!
وأحلام مرت على جنح الوعد تختال
|"|
ما زارك الشوق وانتَ قلبك السالي.؟!!
ياكيف تنسى الوعد والعهد يا محتال
|"|
الحب دربه خطر طلعات ونزالي.؟!!
خذ الحذر من قلوب الناس يا نشال
|"|
حاول تعيش الصراحة بقلبك الخالي
وحاول تعرف العناء لا بدل الاحوال
|"|
جرب مكاني وعيش الوضع ياغالي.؟!!
وشف كيف انا قبل احبك كنت عال العال
|"|
صحيح حبك كبير ونوفكم عالي.؟!!
وصحيح عشقي جنون ورغبتي بهبال
|"|
وصحيح دايم تجي وتمر في بالي .؟!!
وصحيح في رزمة ايامي لك الانفال
|"|
لكن هجرك صعيب وبعثر احوالي
والحال صعبة اذا ما ضاعت الآمال.؟!!
|"|
إما تجي مثل ظلي دوم تبرالي
وإلا بلاش نتبادل لعبة الإهمال.؟!!