[poem="font="simplified arabic,4,blue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]فرح والا حزن والا لقا .. والا يحل فراق=قسم بالله ماعادت معي تفرق نهاياتي
كره وجهي ابتساماتي .. جهد في خاطرٍ ماراق= وتعب قلبي من التهميش من ذاتي على ذاتي
تعبت اضحك على نفسي وأصنفني من العشاق= تعبت أعيش دور الحي وآنا أكثري ماتي
جبرت القلب يختار الأمل بس الأمل ماطاق = رحل عني .. وخلاّ اليأس هو كل إحتمالاتي
وتثاقلني زماني والمكان .. وجفّت الأوراق = غريب ولاتخفف غربتي .. كثرة صداقاتي
ابي أرحل مادام ان المكان اللي ولفته ضاق = بأدوّرلي على وجهه والا ياقلّ وجهاتي
يكفيني من اللي فات ذكرى لأمنية وأشواق = وحلمي يمكن الله يكتب التحقيق بالآتي
عموما لو نهاياتي فرح .. والا حزن وفراق = قسم بالله ماعادت معي تفرق .. نهاياتي[/poem]