[ الفكْرة ] - نص.

[قايـد الحربي]

:


- كم تفاحةً وقعتْ قبل
[ الفكرة ]

:
:


راحت ..
جته
راحت ..
جته
في مهجته :
ترقى سلالم لهجته ،
تسرق من الغيمه قصايد بهجته !
وتقول له :
الشعر تعريف المكان اللي زمانه : راحلة
الشعر تعريف الزمان اللي مكانه : راح له

مثله مثل :
طفل الكلام اللي على شّفة "ألف / بائك" حبا
ـــــــــــ اللي أخذته .. من يديه .. و ماتلعثم ..بالمشي
مثله مثل :
نسمه يراودها الشروق وصارت بلحظه صَبا
ـــــــــــ مرت على سنابل تصلي و تتلو " مَن خشي.."
مثله مثل :
اللحظة اللي بين رشف الما .. وْ تلفّات الظبا
ـــــــــــ والماء مابل الظما والخوف ماهو مْن اي شي

مثله مثل ؛
غصنٍ تدلى من علِ
ـــــــــــ فيه الوزن و القافية
إن مارقيت لما يلي
ـــــــــــ ماتت حروفك حافية
؛
تولد بِكِر ..
بنت المعاني والفكِر ،
لين الشعر مايسرق الفكرة ويروح ..
وبعد الوزن ،
تولد قصيدة فيها روح
؛
من فكرته مالت عليه
ما عاد له أيّة " عذر "
يملى يديها من يديه
يوفي لمعناه "النّذُر"
——-

خارج حدود الما …يدلّيك "الظما"
لا مال بك يم الشعر ... مالت عليك
بنتٍ تهز الشطر ، و تغنّي …بـ "كما"
تاخذ من الحرف الأخير اللي بيديك
و تقوللك :
الشعر تعريف المكان اللي زمانه : "راحلة"
الشعر تعريف الزمان اللي مكانه : راح له
؛
ماله أبد تعريف ..
يضيف ،
للأسئلة ،
جواب "كيف؟"

و ماقلتلك :
الشعر :تعريف "الكلام"اللي استحى
من عورة " الوزن المقفى " . .. بالجهل
ياخذ من " الفكرة " كتابة ما انمحى
و يعطي من المعنى صعوبة ما سهل