قبل لاتروح ...

[بندر الصقر]

[poem=font="mudir mt,5,blue,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
قبل لاتروح أخذ الجمل وأخذ معه الشور=من اللي زهد خاطرك في قلّه وكثره
وفالك جبلّة لا تصنّع ولا مجبور=ولاينتظر تأييد قلبك ولا شكره
حَدَيْتِه على درب القطيعة وهو محذور=ومشى الدرب تدفعه الكرامه وهو يكره
تعلّم ترى بكره يجيك ويجيك الدور=وتصحي بعد سكرتك وتزورك الفَكرَه
تعلّم من أخطائي بعد ما انكشف مستور=تراي استويت من الليالي وخذ فكره :
انا الحزْن في عين ارملة قلبها مكسور=ملكها الحنين لأمس والخوف من بكره
رحل من يمنّيها فـ بكره ( ذهب وقصور )=واذا زاد جور الوقت يشرح لها عذره
رحل تاركٍ في حضنها طفل ( ست شهور )=تضمّه ويرضع حزن من صدرها صدره
تنادي يجاوبها الخوا اللي سكن بالدُور=تلفّت تشوف اللي يحرّض على ذكره
مكانه , كتابه , مكتبه , صدمته للسور=حنينه , جنونه , وانفعالاته وكسره
ووعده يعوّضها قلم كحلها المكسور=فساتينها , المكياج كلّش على خبره
هذا الفقد يهديك الظلام ويكفّ النور=وهذا الحزْن مثل الموت له نزعه وسكره
[/poem]

 

[هـيـفـااللاّفـي]

,’
{.. بندر الصقر
وشعر مع مرتبة الغيم

.
.
دمت جميل

 

[بندر الصقر]

المشاركة الأصلية كتبت بواسطة هـيـفـااللاّفـي

,’
{.. بندر الصقر
وشعر مع مرتبة الغيم

.
.
دمت جميل

هيفا , ومرور ينثر الجمال

شكرا لكِ .

 

[ميــرال]

حزينه يابندر وموجعه والله
عميقه ببساطتها ومؤثره جداً
تقديري لقلبك وللشعر

 

[بندر الصقر]

المشاركة الأصلية كتبت بواسطة ميــرال

حزينه يابندر وموجعه والله
عميقه ببساطتها ومؤثره جداً
تقديري لقلبك وللشعر

الكثير من الحزن حولنا يا ميرال ..

وانا اشكر لكِ هذا المرور ولقلبك نبيل كلماته ..

 

[نوف سعود]

هـــــــذا الــفــقـــد يــهـــديـــك الــــظــــلام ويــــكــــفّ الــــنــــور
وهـــذا الــحــزْن مــثــل الــمــوت لــــه نــزعــه وســكـــــــــره
.
.
الله عليك ..
وخالقي بيت يكفي عن ألف قصيدة ..!
عميييق جداً بيد انه يحوي الحكمة ..
صح الله لسانك الاخ القدير / بندر الصقر ..
تقديري وتحيه ..

 

[بندر الصقر]

المشاركة الأصلية كتبت بواسطة مجدولينا

هـــــــذا الــفــقـــد يــهـــديـــك الــــظــــلام ويــــكــــفّ الــــنــــور
وهـــذا الــحــزْن مــثــل الــمــوت لــــه نــزعــه وســكـــــــــره
.
.
الله عليك ..
وخالقي بيت يكفي عن ألف قصيدة ..!
عميييق جداً بيد انه يحوي الحكمة ..
صح الله لسانك الاخ القدير / بندر الصقر ..
تقديري وتحيه ..

ياهلا يامجد ..
سعيد جدا ان راقت لك , وفخور بهذه الكلمات الجميلة ..

مرة اخرى اهلا بكِ

 

[خالد الداودي]

الانيق بندر الصقر

بإختصار هذه القصيده تقول :- انت شاعر يحترم القصيده
وقلة من يحترمها ويضعها في تلك المكانه العالية التي تجعل الكل يحدق فيها بإعجاب

شكرا لك هذا الماء

خ