ارفعي اكليلك !!

[ذعار بن سحاب]

السلام عليكم ورحمة الله وبركاته


تواجدي وخصوصا هنا . في منتدى النخبه شرف لي .

هنا لقبني اخي القدير ناصر حطاب بلقب (( ابو مانع)) وانا اسندها لمانع رغم انني لم اتزوج .


لقلوبكم تقبلوها

.
.
.

[POEM="font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]تفضلي وبرجلك اليمنى وسميّ بمدخله = قلبي وصار بذمتك يعني تكفل به دمك

بس ارفعي كليلك عن الدم الحمر لايثمله = عطرك وريحة خصلتك ولا ..براءة محزمك

ياروح طفله لابغت تقرا تنام البسمله = بشفاتها , بحروفها, مات القصيد وملهمك

تدرين تويّ باعترف يُم الجمال ومنهله = شفت الرخام اللي تحت رجلك رقص من مقدمك

شعرك ينام ابه الشتا , ليل الشتا شف مطوله = بس البلا شفت الشفق قرّب يغازل ملثمك

لاتبعدي عن شاعرك لانه نسى عقبك هله = لاقال لك (يمه) ترى قلبه دليله يزهمك

انتي مقامك طاهرأ متعدي حدود الوله = يعني تنفستك رضا , لدي و هاتي مبسمك


وكانك نكفتي بالعطا.. خشمك لزم لا اقبله = واسدل ستار فراقنا لكن ثواني برسمك

يمكن تجاهل دفتري حبري عجز لايوصله= معنى المحبه في عيونك قال هاتي مرسمك


يمكن الى مني كبرت وقلت يوليدي شله = دفتر ابوك الوالد اللي يوم صغرك يطعمك

بعطيك باقي خبرتي قبل الكفن والاسئله = قبل النصيحه بالجمل توزن وانا بعلمك

بشرع المحبه ياولدي متفيد فطح ومرجله = يانك تقبل معصمه ولا يقبل معصمك[/POEM]

ولكم الود