هــــــــدوء شاعرة

[خلود البراري]

طلّــت صباحاتك علينا : صبابـة
لا ضيق عقبك لا وجع قلب لاطيش !
بستان لو حولك مشاوير غابـــــــــــــة
مهما وطينا الشوك .. باحساسنا : ريـــــش !
سنيــن وانصافـح يديــك بـ ذرابـة
يختال عطرك من على الروح بــشويش !
تدري بــ أنك قلب يصعب غيابــــــــه !
تدري .. بدون الـورد مانقـدر نـــْـعيــش !

 

[خلود البراري]

أخاف يسبقنـي !
بروح .. وتجينـي
وان ما لقيتينــي .. أكيد إني ارتحـت !

أنا بجاري هــ الزمن .. سامحينــي
ومعك ( أمانة ) .. اذكريني : اذا رحـت !

 

[خلود البراري]

لــــــ روح : أمي الطاهرة !.

ماكانت ( أمي ) بس .. كانت حنونة
في قلبها ( حب ) انـولدنــا عشانه

( حب ) ان عرفتوا قيمتـه تعذرونه
راحت .. وخلـّـت حبّهـا في مكانه

صوت المكان المرتمي في سكونه
فاقـد مســاء عيونهـا للأمانه

كل الزوايا سولفتهـا بدونه
وكانت هنا بنـت إتساءل ميانه :

روح الصباح وعطره وزيزفونه
وينك ؟ فقـدت فراشك .. الخيزرانه !

طلّـت على حزة صلاتك غصونه
وانتي رحلتي مارحلتي : أمانه

أشوفك الصبح بحلاوة عيونه
شلتي معك سجادتك لــ الخزانه !

ندهــت : يمه بْلا تعب ..لامهونه
هاتي لي شاي .. وكثــّري زعفرانه !

اشتقت انا اشرب من يديك الحنونه
كاسي حزن -- صبـّـي الفرح باستكانه !

يمّه غيابك كلهم مايبونه
لا ليل لا صبح يتباشر أمانه

ماكنتي أمي بس
كنتي حنونة
بقلوبنا حبك رفع حيل شانه

لاحب فوقه ولابعــد حب دونه
غبتــي ..
و باقي حبنا لك مكانه !

 

[خلود البراري]

وينـــك
تــرى جانـا المطــر أحيا شوارعـنــا
كل الشوارع أمطــرت ماغير شـارعنــــا
طشــّــت سوالفنا بــ حنيـــن
صبــّت دفاها للحنين
وأكثر غرابيل السنيــن .. ماعاد تجمعـنـــا ..!!
وينك .. ترى جانا مطــر ؟!!


مـرتـنـــي البارح طواري في محطات العمر
وانا من البارح
عرفتــك .....
... تحترينــي من أمــــر !
مرّيـــت .. بديـنــــي عطــر
وأنفاس وآهات وكلام
بعضي فرح .. بعضي خصــام
تربكنـي خطواتـي
.. فيني عمـر آتـــي !
ان عاش يهديــك العطــر
وان غــاب بــ سكاتــي ..
..... يكفيــه : يشعــر بــ اهتمام
ويعيش لــ الآتي !


وينــــك ؟
ترى جانا مطــر ؟!!


الله ياصوتــــك ..
وانا اتسمــــّع هالمطر .. ذكــّرنـي بسكوتــــك !
تعـــال ...... لايفوتـــك !
شوف الزهر
شوف الأغاني .. والشعــر
شوف البساتيــن بأمانيـنـــا يعانقهــا الشجــر !
شوف الحنان اللي تركنــي ليلة البارح وجــــاك
اليــوم ..... ينسانــي معــاك !
ضيــــّعـــت أنا نفسي
من صحيــت ........ ابحث على نفسـي
دوّرتـنـــي .. يمكن سريــت .. ويـــّاك يا أمســـــي !
لقيتـنــي بيــــن المطـــر ..
رجعت لــك بيــــدي عطــــر
وقلت لـك :
غطـــّا شوارعنا
كل الشوارع أمطرت
.. ماغيـــر شارعنــــا !
وينــــــــك
ترى جانا مطر !


جانا المطر :
واستـنطق الليل بسواليفـه
خلـف السهر :
طل الشتا .. بنظرة على صيفــه
ولما حضـر :
غاب الضما بين العيون المستعينـة بالصبر
يـا للعمر ..!!
وش كانت الدنيا بدونك
ياهذاك الليل
تطلق عنانك للقمـر .. حتى صبح قنديل
قطرة ورا قطرة
تختلط دمعاتـك بريح المطر
.. تصافح المنديل !
ويتساقط حكـي !
يسرق الشارع ضيا ليلــَه وحيدة
يقطـف الواقع كلامه ..... من عنا قـيـدة !
يذوب ...... ويصــب البكـــي !


واستراح .......
طاح بالشارع ثــلاث أرواح !
القمر .. أحلامك .. ورعشة عناك
الشعور المحتوينا لما طـاح
صــاح
رجـّحني على كفـة غـِناك
قام يطربنـي أغاني للصبـــــاح
حتى عانقت بصباحاتي مساك
ياحنين ٍ راح
.. أطلبك السمـاح :


أكثر اللي يعشق عيوني عـطاك
أكثر اللي شتت همومي سماك
وأكثر أفراحي دفاها من ضياك


قوم .... نسّينـي الجـِــراح
مالـقت هالروح أجمل من وفـاك !
يـــا وفــاك !
.


.