ت س و ل و ت وس ل

[مرعي ونيس]

[poem=font=",4,black,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]

طفوله كهلت بدري..عطش وقف بظل جدار=براءه من غبار الأرصفه رموشها شابت

كأن الفقر له عند الصغيره طلبتين..وثار=كأن العيد له عند الفقيره رمعتةٍ خابت

جفت مريولها..مدري جفى وأنقطعت الأخبار=نستها..مدرستها..ولادرستها ليه؟هي غابت

تمدّ كفوفها البيضا وتشوف أن التسوّل عار=وتذكّر أمها..وأخوانها وياجت وش جابت

حزن/والا مزن/والا وزن/والا الزمان ودار=نسى الوقت..وقسى..والامعدل هالأسى ثابت

لها على المرح دمعه لها على التعب مسيار=لها الله كل ماتذكر سقوط الحلم ياأرتابت

أماني تنتحر/عيون ولهى..وأرتباك صغار=عذر ميت ضما وعشب الجياع بوجهها نابت

سوالفها..توالفها..وتحالفها مع الأمرار=كآبتها..غرابتها وطابت نفسها طابت


من العلم ومن الحلم ومن الأيام والأزهار=تناست ليلها الوردي بعد ماتاه وأنتابت

قلم يكتب..ألم طفله تألف للرغيف أعذار=بلاها اللي بلاها..وأبتلاها هالشقا الكابت

طفوله هلكت بدري..طفش جلّس بظل جدار=براءه..أي براءه طفلةٍ من همّها شابت

[/poem]

ولكم الود

 

[محمد بن شتير]

حزين هذا الوح يا صديقي ولكنه جميل بقلبك الابيض وبانغام الصدق

.

.




مرعي !!

لروحك

 

[عبدالله صلال العساف]

نص يعبر عن معاناة
وهم انساني
يثقل كاهل الكثيرين ممن غابت عنهم عيون
الفضائيات او غيّبت
يعطيك العافيه

 

[فايز بن جبيل]

حــــزن/والا مــــزن/والا وزن/والا الــزمـــان ودار
نسى الوقت..وقسى..والامعـدل هالأسـى ثابـت

هذي معادله

نص رائع وقصيده لها من صورة الطفله حزن
ومن الجزالة المزن
لا فض فاك

تقبل ودي ومحبتي

 

[ثامر البلوي]

يتقل هذا النص بإحسآسه وإنسانيته العاليه والصادقه

صح نبضك وفكرك يامرعي

ولله درك

 

[محمد البدراني]

تعجبني روحك يا ونيس
كتبت للموقف واجدت دخول قلوبنا
احترامي للشعر هنا

 

[عبدالرحمن القاضي]

الغالي : مرعي ونيس
لله درك على هذا النص الرائع
دمت بخير..

 

[أماني بنت محسن]

الفاضل " ونيس مرعي "

طفوله كهلت بدري..عطش وقف بظل جدار براءه من غبار الأرصفه رموشها شابـت

انسانية شعر

وشاعر انساني

نص راقي وحروف متعبه

ممتع

:

تقديري