( قانون فيثاغـورس ) ....

[متعب المضعان]

[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=1 align=center use=sp num="0,black""]الجمع والا الطرح ماهي صعيبة=مير النسب وشلون تاتي على الضرب
ياصاحبي كل(ن)بيطرد نصيبة=واليا ضمى يشرب من احلامنا شرب
معادلة بين الحبيب وحبيبة=سارت بها الاقدار شرق(ن)على غرب
بالطول والا العرض لازم نجيبة=ركز معي ثم خلنا نمشي الدرب
ودور معي قانون يجلى المصيبة=وحدد معي نوع القوانين يالذرب
الذيب نطرب لاسمعنا قنيبة=والحر يفرح لا رأت عينه الخرب
وكيد النسا فرق قريب وقريبة=وقصة بسوس الشر تنبي عن الكرب
عطيتك المعطى ولا فيه ريبة=سينه على صاده مثل كفخة السرب
( وقانون فيثاغورس ) لا مايجيبة=دام الوتر مايساوي اضلاعه بقرب
ولا الخوارزمي بجبره يصيبة=معادلة دربك ماهي معادلة ضرب
معادلة وزن الامور المريبة=اوزن امورك واسفه دروبك الجرب
معادلة وان سرت فيها معيبة=عيب(ن) على الرجال يتبع هل الغرب
معادلة راع الذكا ماتغديبة=مير الغبي وش فهمه خدعة الحرب [/POEM]

 

[اورنس الهذال]

محجووووووووووووووووووووووز

 

[عادل بدر]

جميل يامتعب.
وفكرة القصيدة أجمل.
تقبّل قوانين الشكر والإعجاب كلها.

 

[اورنس الهذال]

متعب ..............

لم يتغير شيء

انت كما انت ... مبدع ومتجدد

صح لسانك الى مالانهايه

بإنتظارك بشوق ولاتقاطعنا يالغالي

ودمت رائع كما انت

 

[نواف التركي]

الذيب نطرب لاسمعنا قنيبة
والحر يفرح لا رأت عينه الخرب


حضور أول


فقط


لي عوده

 

[مزيد المزيد]

معادلة وزن الامور المريبة
اوزن امورك واسفه دروبك الجرب
معادلة وان سرت فيها معيبة
عيب(ن) على الرجال يتبع هل الغرب


الله عليك يامتعب


مبدع وراائع بلا حدود افكار رائعه وتسلسل جميل وسلس


صح لسانك مليون ولاهنت

دمت بخير

 

[يزيد الماضي]

ودور معي قانون يجلى المصيبة
وحدد معي نوع القوانين يالذرب
الذيب نطرب لاسمعنا قنيبة
والحر يفرح لا رأت عينه الخرب




حرفنة لا يتقنها سوى الكبار



دام عطائك

 

[عبدالله العويمر]

متعب




يسعد مساك







نص جميل




سلم قلبك






دمت بود