وطـــــــــــــن

[ماضي الجنفاوي]

[POEM="font="Simplified Arabic,4,red,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
0
0
يقولون القصايـد بالسنيـن الطيبـه لـه فـال=هلا يا مرحبا بأرض الحفـر وانتـم معازيبـه
تنقيـت الكـلام اللـي يليـق وينتقـي ينقـال=هجوس من رصيد العرف غنى في مواجيبـه
هلا تقدير والفرحه لها عطـر ولهـا مـوال=نغنيبه على لحن الشمال ومـن شـذى طيبـه
هلا والارض مبسوطه خضار وهالربيع اشكال=هلا في عاصمة ارض الربيع اللـي نباهيبـه
هلا وارض الكرم عانق ربيعه للقـاء بأقبـال=هلا واللي حضـر لديارنـا واجـب نهليبـه
بلدنا الله يعزه عـزه المولـى وجـاد الحـال=بسطهـا بالامـان وجنبـه عثـرة دغاليـبـه
رعانا الله وميزنا عن العالـم كثيـر خصـال=بنا نخوه بنـا عـزه بنـا شيمـه بنـا طيبـه
رقينا العز بخشوم الرماح وفي عزوم رجـال=بسطنا مجدنا واضـح علـى الدنيـا نباهيبـه
قيادتنـا عظيمـه حالمـه بالفعـل والافعـال=سديده بالخطـا مـا يلحقـه شـك ولا ريبـه
يقوده خـادم البيتيـن لحمـول البلـد شيـال=ابو متعب علـى العليـا بعيـد فـي مراقيبـه
زعيم مـن زعيـم خلـد الامجـاد والابطـال=حكيـم قادنـا نحـو الامـام وسـاد ترتيبـه
وابو خالد عظيده بالشدايد والهـدف مـا مـال=شجاع يحمل الحكمه ثنا لاصعـب مصاعيبـه
على التوحيد في نهج الرسول ونهجنا يختـال=نشينا بالوطن نحمـل مـن الامجـاد ونجيبـه
تحركنـا مبادينـا كرهنـا الحقـد والانــذال=نبذنا كـل مـن دس الضغينـه فـي مناديبـه
بلدنا الله رعاها واعتلت عن هاجس الاهـوال=بعـد حنـا رفضنـا عابـث بانـت مخاليبـه
وطن تبقى وطن ..شامخ... عظيم تعانق الامال=وطن تبقى وطن يحمل غـلا شعـب يباهيبـه
[/POEM]

 

[محمد أبوالروس]

ماضي الجنفاوي

وهل يخفى الإبداع والتفرد والتمكن

أنت إستاذ لنا

وشهادتي بك مجروحه مهما قلت

صح لسانك وطال عزك

 

[صالح العرجان]

يقولون القصايـد بالسنيـن الطيبـه لـه فـال
.............................هلا يا مرحبا بأرض الحفر وانتـم معازيبـه


قبله الشمال وملحه الحفر


صح لسانك اخوي ماضي

 

[حـريــر]

ماضي الجنفاوي
قصيده رائعه ومبهره
شكراً لك

 

[سعد سيف]

وطن تبقى وطن ..شامخ... عظيم تعانق الامال
وطن تبقى وطن يحمل غـلا شعـب يباهيبـه


ماضي


"

"

نص يعانق السحاب


دمت مبدعا


لك اصدق الود

 

[طلال العنزي]

الرائع ... ماضي الجنفاوي



صح لسانك ولاهنت


شعر ومشاعر / بوح راقي


شكرا لك


وتقبل مني أجمل التحيات




اخوك
طلال العنزي

 

[احلام]

ماضي الجنفاوي


صح اللسانك صح قلبك


اختك احلام

 

[متعب المضعان]

وطن تبقى وطن ..شامخ... عظيم تعانق الامال
وطن تبقى وطن يحمل غـلا شعـب يباهيبـه

ياسلاااااااااااااااااااااااااام


ماضي الجنفاوي


صح السانك ولاهنت يابعدي


قصيدة رائعة وثرية بالجزاله والشفافيه والسلاسة بما تحمله

من معان ٍ سمت وارتقت بهذه الشامخه


لله درك

ولاهنت


وبانتظار جديدك

اخوك

متعب المضعان