أنا والمشاكسين عيال أختي

[أصيله المعمري]

مدخل: من الجميل أن نكتشف بعض ولكن باثواب مختلفه
هنا أصيله الأقرب للحقيقه....أصيله المهستره

هلا والله هلااا والله
>>>>>>>المهلي ما يولي :014:

أقول ما شفتوا ناقة خضراء من قبيلة بني أصيلان لفت عليكم هاليومين
>>>>>أقول انثبري يا أصيله وقولي وش عندك...بلا ثقالة دم...بعد تقول خضراء بعد...هي بطيخة ولا ناقه..

بصراحه وبدون مغدمات
<<ألأخت لها في السودان محلات ودكاكين وعقارت
أقصد عروق:009:

قلت ابحطي موضوع في هالقسيم هذيه
واشوفكم مع الاستهبال والله
ومثل ما يقول المثل الصيني
اضحك للدنيا:0082:
<<<الحين هذا مثل صيني
>>>أقصد صيني معرب
>>>أها قولي فلم مكسيكي معرب
ايوه ايوه
:013:





دحينه
<<<<وليش تتكلمين سعودي
لا تحاولين
مااحنا بعاطينك الجنسية



المهم هنا والله اباحكيلكم
مواقفي الاستهباليه مع عيال أختي
ومثل ما تشوفوهم بالصوره
ولا تغركم نظرات البراءة هذي
بس جدام الكاميرا
والا وراء الكواليس
مكافخ وشد شعر وعض والله لا يوريكم

 

[أصيله المعمري]

الموقف الأول مع كابتن طيار هيثم حبيبي...:000:


مره من المرات وأنا بين ربعي
يعني ربيعاتي
أحم أحم:019:



الا وجوالي يطق يطق يطق
وأشوف

أم الغالي يتصل بك:003:


ريحو بالكم
أم الغالي يعني أختي
والغالي ولدها هيثم
>>>>>>>كح كح صدقناك.. :002:

المهم وأرد أنا: ألوووووووووووو


وأسمع صوت هيثم وهو معصب يقولي: كلب واحد
قلت في روحي يا أصيله اليوم أسود من أوله
أثاري
ألاخ حاوشته طاقة شتيمه
وألأخت العزيزه ما لقت غيري عشان يستقبل شتيمة عيالها:011:
قلت يا أصيله يا بنت أنتي رايحه فيها رايحها فيها اليوم..

وجدام ربعي
<<<<رجعت وقالت ربعي
أقصد ربيعاتي:010:
أعدل موقفي
وأقول
هلا هيثم
أنا الحمد لله بخير
أنتو شخباركم
وانا أصلا ما اسمع غير كلب واحد كلب واحد


لا والي قاهرني تدرون شو

الاخت المعلمة...مربية الاجيال
تدرون شو تقول لولدها
تقوله
هذي بنت يعني قول لها
كلبه وحده مو كلب واحد

هذا بدال ما تربي ولدها وتسنعه
تعلمه الشتيمه للمذكر وللمؤنث:005:

ولا شكله الولد مدمن شات
فاهمين
زي:rolleyes:
س1
س2
ض1
ض2


يقول كلب 1


،
،
،
،
،

 

[أصيله المعمري]

الموقف الثاني مع هالعسوله هذي دكتوره منار

البنت هذي فضولية كثير:0122:
وتسأل عن كل شي
إذا أستلمت الواحد تستلمه من قلب
وتسأل عن جد جد جد جد جد جد ولد جارتكم
بعد
:018:











وهي من النوع الي مسوي نفسه مطوع وما يسمع اغاني
ولما كلنا نكون على التلفزيون
<<<وش على التلفزيون هذي
أقصد نشوف التلفزيون:007:
وتطلع اغنية
تقوم حضرتها وبكل دلع
تقفل الـ TV
المهم:0062:
مره كانت ترمسني
ومعانا ضيوف كمان
سألتني

خالوه اثيله انتي تثمعين اغاني
قمت قلت لها : ايه اسمع
<<أنا بنت ما احب الكذب:016:
أقول والنعم والله خخخخخخخ

الا الاخت منار شوي تدور على كبر البيت وقدام الضيوف
من صاله لصاله
رجال وحريم

خالتي أصيله تثمع اغاني
خالتي اثيله تثمع اغاني


ورحت فيها..
:0332:



وهيك والله لكان

وسوالف كثيره

:0092: :0092:

بحاول كل مره اقط عليكم شي

 

[م.عبدالله الملحم]

كابتن هيثم

أبشر راح اخذ لكـــ حقكـــ



دخول عرض
طول

مدري

المهم

محاولة ,,,, قطع طريق

 

[أصيله المعمري]

المشاركة الأصلية كتبت بواسطة م.عبدالله الملحم

كابتن هيثم

أبشر راح اخذ لكـــ حقكـــ



دخول عرض
طول

مدري

المهم

محاولة ,,,, قطع طريق

وليه تقطع الطريق يا عبدالله




أشكرك على التواجد




أسعدتني

 

[محمد الناصر]

الرائعة أصيلة :

رائع أن يحمل المرء كل هذا الفرح ، في حين يمتلء الجزء الأخر من حياته حزناً

أصيلة المعمري .. قلمها الذي أسال الدمع ذات حزن ، هو نفسه الذي يرسم البسمة على شفاهنا الآن .


لكن اللي اكتشفته بهذه الروائع ، أن أصيلة مدمنة شات دردشة ولذلك حافظة كل

اختصارات الشات :009:


ننتظر البقية بكل شوق أختي الكريمة

دمتِ بخير وسعادة

 

[أصيله المعمري]

المشاركة الأصلية كتبت بواسطة محمد الناصر

الرائعة أصيلة :

رائع أن يحمل المرء كل هذا الفرح ، في حين يمتلء الجزء الأخر من حياته حزناً

أصيلة المعمري .. قلمها الذي أسال الدمع ذات حزن ، هو نفسه الذي يرسم البسمة على شفاهنا الآن .


لكن اللي اكتشفته بهذه الروائع ، أن أصيلة مدمنة شات دردشة ولذلك حافظة كل

اختصارات الشات :009:


ننتظر البقية بكل شوق أختي الكريمة

دمتِ بخير وسعادة

من يكتشف اني مدمنة شات


اذا هو في الواقع مدمن شات


يا محمد

أليس كذلك؟




بالمناسبة


تهمتك باطله





سعدت كثيراً بتواجدك


يا صديقي

 

[قايـد الحربي]

أصيلة المعمري

بصراحة هالثنين محسودين عليك
لكن انا أشوف في الصورة آثار مشط
شكل هالصورة قبلها معركة قويه

الله يخليهم لكم ويحفظهم